1.Strophe
Em Rheinland ess jetzt widder Karneval
dröm simmer widder do op jeden Fall
Mir schunkele doch am Rhing vum Hätze jähn,
jetzt jet es los, jawohl Herr Kapitän.
Nur kostümiert mir tredde op d`r Plan,
wä jarnix hätt, dä kütt als Irrlesch an.
Doch wä d`rheim noch an aal Urjel hätt,
dä schnapp sich die un singk bejeistert met.
Refrain
Un wenn d`r Deuvel och op Stelze kütt,
die Schwaz un Wieße klemme en de Bütt.
M`r bränge Wetzt, m`r mache Klaaf,
Wurringe Alaaf.
2.Strophe
Alaaf! Dä Wurringer Karneval es do,
dann es Schwaz-Wieß d`rbei dat weßt ehr jo.
M`r nähle op de Trumm bis dat se platz,
un söke uns he hück ne neue Schatz.
Nur prima Schökkelwasser drinke mir,
un kruvve dann no Huss op alle Vier.
Doch lang m`r halde et nit us em Bett,
am nächste Dag m`r singe widder met
Refrain
Un wenn d`r Deuvel och op Stelze kütt,
die Schwaz un Wieße klemme en de Bütt.
M`r bränge Wetzt, m`r mache Klaaf,
Wurringe Alaaf.
3.Strophe
Manch Paejas säht, seht ens die Buure,
die sollen sich dat Spell ens he beluure.
Et mäht d`r allerkleinste Wurringer Pans,
em Fastelovend inne Konkurenz.
He wäht dä Fasteleer janz neu saneet,
dä ahle Knies wed endlich fottraseet.
M`r mache he ne Deckel op d`r Pott,
se krije uns nitt, se krije uns nitt kapott
Refrain
Un wenn d`r Deuvel och op Stelze kütt,
die Schwaz un Wieße klemme en de Bütt.
M`r bränge Wetzt, m`r mache Klaaf,
Wurringe Alaaf.
Musik: Christian Meurer | Text: Willi Esser | Gesang: Doris Pesch